Valve Steam oʻyinlari ishlab chiquvchilariga yuqori savdolar uchun qimmat shokolad sovgʻa qilmoqda
Valve noodatiy anʼanani davom ettirmoqda: u har yili Steam uchun muvaffaqiyatli oʻyinlar yaratganlarga shokolad va otkritkalardan iborat sovgʻa toʻplamlarini yuboradi. Noyabr oyida ishlab chiquvchilar yana posilkalarning suratlarini ulasha boshladi.
Norasmiy baholarga koʻra, yillik tushumi taxminan $800 mingga yetgan oʻyinlar studiyalari sovgʻa olishga umid qilishi mumkin. Toʻplamlarning qiymati taxminan $150, yanada muvaffaqiyatli loyihalar uchun esa $250–300 gacha baholanadi. Sovgʻalar orasida premium toifadagi, jumladan La Maison du Chocolat brendining shokoladlari ham uchraydi. Posilkalarni nafaqat AQSh, balki Yevropadagi ishlab chiquvchilar ham oladi.
Valve rasmiy shartlarni oshkor qilmaydi, shu bois keltirilgan summalarni kafolatlangan chegaralar deb hisoblamaslik kerak. Bu anʼana norasmiy ravishda Steamʼning «shokolad darajasi» deb ataladi. Uni avval oʻyinlar marketingi mutaxassisi Kris Zukovski ishlab chiquvchilarning hikoyalariga asoslanib tasvirlagan.
