Oʻzbekistonda qurilayotgan uy-joy xaridorlari uchun yangi kafolatlar joriy etiladi
Ulushli qurilish toʻgʻrisidagi qonun loyihasi Senatga yuborildi. Hujjatda eskrou hisobvaraqlaridan foydalanish va shartnomalarni majburiy notarial rasmiylashtirish nazarda tutilgan.
Yangi qoidalarga koʻra, xaridorlarning pullari vakolatli banklarda saqlanadi. Quruvchilar ulardan oʻz majburiyatlarini bajarganidan va uy-joyni foydalanishga topshirganidan keyin foydalanish imkoniga ega boʻladi. Fuqarolarning mablagʻlarini jalb qilish uchun kompaniyalar yagona tizimda roʻyxatdan oʻtishi va loyiha deklaratsiyasini eʼlon qilishi kerak boʻladi.
Nafaqat shartnomalar, balki ularga kiritiladigan barcha oʻzgartirishlar ham notarial tasdiqlanishi shart. Mablagʻlar noqonuniy jalb qilingan taqdirda, xaridorlar pullarini foizlari bilan qaytarishni talab qilishlari mumkin.
Agar quruvchi uy-joyni topshirish muddatini buzsa, obyektni olti oy kutmasdan muammoli deb topish mumkin boʻladi.
Yangi talablar faqat qonun kuchga kirganidan keyin qurilish uchun ruxsat olgan obyektlarga taalluqli boʻladi.
